Pangajaran Biantara

Dina kahirupan sapopoé, urang mindeng
ngabandungan nu biantara. Dina rupa-rupa
kagiatan éta téh. Aya nu ditepikeun kalawan
resmi, aya ogé anu henteu. Biantara téh lain ngan sakadar
nepikeun omongan hareupeun balaréa. Malah teu sakabéh
jalma bisa biantara kalawan hadé. Éta téh lantaran
biantara mikabutuh kaparigelan.

Nyangkem Eusi Biantara

Nyangkem Struktur Biantara
Biantara téh umumna mah diomongkeun (dilisankeun).
Tapi aya ogé anu ditulis tuluy dibacakeun. Boh
anu ditulis boh anu dilisankeun, runtuyan babagianana
mah sarua baé, nyaéta aya bubuka, eusi, jeung aya bagian
panutupna.

AKSARA SUNDA

Aksara Sunda kiwari sok disebut kaganga, nyaéta aksara tradisional
hasil modifikasi tina tata-tulis karuhun Sunda baheula sakumaha
anu kapanggih dina naskah kuno atawa prasasti. Ieu aksara téh
sok dianggap ceré Sunda. Saméméhna urang Sunda téh biasa ngagunakeun
aksara cacarakan atawa populer disebut hanacaraka. Ngan éta téh dicokot tina
aksara Jawa, jadi dianggap lain asli Sunda sanajan cacarakan ogé saenyana
geus dimodifikasi diluyukeun jeung fungtuasi urang Sunda.